ខេត្តប៉ៃលិន៖បុរសម្នាក់ដែលគេស្គាល់ថា ជាមន្ត្រីកងរាជអាវុធហត្ថខេត្ត ត្រូវបានរថយន្តឡិចស៊ីសមួយគ្រឿងបើកបុកពេញទំហឹងហើយខ្ទាត់ប្រហែល៣០ម៉ែត្រ បណ្តាលឲស្លាប់ភ្លាម់ៗនៅនិងកន្លែង ចំណែក អ្នកបើកបររថយន្តបង្ក បានបើករថយន្តយកទៅទុកចោលប្រហែល៨០០ម៉ែត្រ ពីកន្លែងកើតហេតុរួចរត់គេចខ្លួនបាត់ស្រមោល ។ ដែលហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង៥និង១០នាទីល្ងាចថ្ងៃទី០៩ ខែកុម្ភៈ ឆ្នាំ២០១៦ ស្ថិតលើចំណុចផ្លូវជាតិលេខ៥៧មុខផ្លូវវិទ្យល័យហ៊ុន សែន ក្រុងទេពនិម្មិត្ត ក្នុងអូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន ។ 
ជនរងគ្រោះឈ្មោះឡី សុផល ភេទប្រុសអាយុ៤៨ឆ្នាំ មុខងារជានាយលេខាធិការនៃបញ្ជាការកងរាជអាវុធហត្ថខេត្ត (ស្លាប់) ជិះម៉ូតូម៉ាក(ឌ្រិមសេរី ឆ្នាំ២០០៧ពណ៍ខ្មៅ ពាក់ស្លាកលេខប៉ៃលិន1A.1329 រស់នៅភូមិវាលវង់ សង្កាត់ទួលល្វា ក្រុងប៉ៃលិន ខេត្តប៉ៃលិន ។ អ្នកបើកបររថយន្តឡិចស៊ីសបង្កឈ្មោះ ដា ភេទប្រុស អាយុ៣៦ឆ្នាំ មុខងារជាមន្ត្រីយោធានៅវរៈសេនាតូចលេខ៥០៧ព្រំដែនប៉ៃលិន បើកបររថយន្តម៉ាកឡិចស៊ីស៤៧០ ពណ៍ស្ករ ស្លាកលេខភ្នំពេញ2V3924 ។
ប្រភពព័ត៌មានពីកន្លែងកើតហេតុ បានឲ្យដឹងថា៖ មុនពេលកើតហេតុគេបានឃើញបុរសម្នាក់គេស្គាល់ ថាជាមន្ត្រីកងរាជអាវុធហត្ថខេត្តប៉ៃលិន បានជិះម៉ូតូមួយគ្រឿងពណ៍ខ្មៅក្នុងទិសដៅពីកើតទៅលិច ក្នុងសភាពស្រវឹង លុះមកដល់ផ្លូវបត់ឆ្វេងចូលវិទ្យល័យហ៊ុន សែន ក្រុងទេពនិម្មិត្តជិតផុតទៅហើយ ស្រាប់តែមានរថយន្តឡិចស៊ីស៤៧០ ពណ៍ស្ករ ជិៈគ្នា៣នាក់ មានស្ត្រីម្នាក់ ក្មេងម្នាក់ និងបុរស់ម្នាក់់ដែលជាអ្នកបើកបរក្នុងល្បឿនលឿនមិនប្រុងប្រយត្ន័ ក្នុងទឹសដៅបញ្ចាស់ទឹសគ្នា ក៏បានបុកបុរសរងគ្រោះ ដែលកំពុងតែជិះម៉ូតូខ្ទាត់ប្រហែល៣០ម៉ែត្រ (ស្លាប់ភ្លាមៗនៅនិងកន្លែង) ។ ប្រភពព័ត៌មានបន្តថា៖ បុរសដែលបើកបររថយន្តបង្កក្រោយពីបុកហើយ ហាក់ដូចជាភ្លេចស្មារតី បើកបរមិនកើត ក៏ស្ត្រីដែលរួមដំណើរបើកបរជំនួស ដោយបើករថយន្តគេចចូលផ្លូវជិតរបងសាលាបឋមសិក្សាអូរតាពុក ហើយទុករថយន្តឡិចស៊ីស៤៧០ចោល រួចនាំគ្នារត់គេចខ្លួនបាតស្រមោល ។
ក្រោយពេលកើតហេតុគេឃើញសមត្ថកិច្ចចរាចរណ៏ខេត្ត ចុះទៅវាស់វែង ចំណែកសាកសពជនរងគ្រោះ ត្រូវបានសមត្តកិច្ចនគរបាលចរាចរណ៍ ប្រគល់ឱ្យមេបញ្ជាការរាជអាវុធហត្ថខេត្តប៉ៃលិន យកនៅធ្វើបុណ្យតាមប្រពៃណីនៅបញ្ចាការដ្ឋានកងរាជអាវុធហត្ថខេត្តតែម្តង ។ ចំណែករថយន្តជនបង្ក និងម៉ូតូជនរងគ្រោះ ត្រូវបានសមត្តកិច្ចនគរបាលចរាចរណ៍ផ្លូវគោកខេត្តដឹកយកទៅរក្សារទុកនៅស្នងការដ្ឋាននគរបាលខេត្តប៉ៃលិន រងចាំការដោះស្រាយគ្នាតាមច្បាប់៕
