ភ្នំពេញ៖មុខសញ្ញានិងជាជនញៀនថ្នាំម្នាក់ ត្រូវបានបានកម្លាំងនគរបាលប៉ុស្ដិ៍ច្រាំងចំរេះទី១សហការនិងកម្លាំងនគរបាលព្រហ្មទណ្ឌខណ្ឌឫស្សីកែវដេញតាមប្រម៉ាញ់ឃាត់ខ្លួនក្រោយពីរជនសង្ស័យរូបនេះបានដើរមកឆក់ទូរស័ព្ទដៃពីរជនរងគ្រោះដែលកំពុងអង្គុយលេងFacebook តែជាអកុសល្យ ជនសង្ស័យត្រូវកម្លាំងសមត្ថកិច្ចឃាត់ខ្លួនភ្លាមៗមកធ្វើការសាកសួរនៅវេលាម៉ោង០៩និង៣០នាទីយប់ ថ្ងៃទី ១៧ ខែ កុម្ភះ ឆ្នាំ ២០១៦ នៅចំណុចក្រុម៣ ភូមិ២ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ ។
នាយប៉ុស្ដិ៍នគរបាលច្រាំងចំរេះទី១លោក រឿន វន បានឲ្យដឹងថាជនត្រូវឃាត់ខ្លួនជាមុខសញ្ញាចាស់ធ្លាប់ជាប់ព័ន្ធនាគារពីបទឆក់ មានឈ្មោះហ៉ីម រីសេត ភេទប្រុស អាយុ៣៣ឆ្នាំ មុខរបរមិនពិតប្រាកដ ស្នាក់នៅ ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។រីឯជនរងគ្រោះឈ្មោះសុង ចាន់ធី ភេទប្រុស អាយុ១៦ឆ្នាំ មាមមុខរបរជាអ្នកលក់ត្រី ស្នាក់នៅ ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញនិងជាម្ចាស់ទូរស័ព្ទដៃម៉ាកសាំសុង។លោក រឿន វន នាយប៉ុស្ដិ៍ច្រាំងចំរេះទី១បានបន្តថា យោងតាមពាក្យបណ្ដឹងរបស់ជនរងគ្រោះនិងការរៀបនៅមុនពេលកើតហេតុ ជនរងគ្រោះឈ្មោះសុង ចាន់ធី កំពុងអង្គុយ កាន់ទូរស័ព្ទលេង Facebook នៅចំណុចកើតហេតុ ខាងលើភ្លាមនោះស្រាប់តែលិចមុខជនសង្ស័យបែកថ្នាំដើរមកធ្វើសកម្មភាពឆក់ទូរស័ព្ទពីរជនរងគ្រោះ រួចរត់គេចខ្លួន ប៉ុន្តែត្រូវជនរងគ្រោះស្រែកផ្អើលឆោរឡោរសុំឲ្យសមត្ថកិច្ចមូលដ្ឋានដែលយាមកាមល្បាតនៅក្បែរនោះជួយអន្តរាគមន៍ដេញតាមឃាត់ខ្លួនជនត្រូវជាប់សង្ស័យបានភ្លាមៗ ដោយជនជាមុខសញ្ញាម្នាក់នោះបានធ្វើការប្រតាយប្រតប់ជាមួយសមត្ថកិច្ចដោយបានបោកកម្ទិចទូរស័ព្ទរបស់ជនរងគ្រោះខ្ទិចតែម្ដងមិនអាចជួសជុលប្រើកើត ។
សូមបញ្ជាក់ថា ជនត្រូវជាប់សង្ស័យឆក់ទូរស័ព្ទពីជនរងគ្រោះកំពុងឃុំខ្លួនសួរនាំបណ្ដោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីចាត់ការតាមនិតិវិធីច្បាប់ ៕កំសាន្ដ