កំពង់ស្ពឺ=ក្រុមកីឡាU16របស់បញ្ជការដ្ឋានកងរាជអាវុធហត្ថខេត្តកំពង់ស្ពឺ នៅរសៀលថ្ងៃទី ០៩ខែមិនា ឆ្នាំ២០១៦នេះបានទទួលសម្ភារៈ ជាខោអាវកីឡា បាល់ និងស្បែកជើងមួយចំនួនពីលោកវិរសេនីយ៏ឯក ឡុង ទិត្យ មេបញ្ជាការរងទទួលការងារកីឡារបស់អង្គភាព តាមរយៈលោកឧត្តមសេនីយ៏ត្រី ជូ សារុន មេបញ្ជការបានប្រគល់ជូនលោកគ្រូបង្វឹក ។
លោកឧត្តមសេនីយ៏ត្រី ជូ សារុន មេបញ្ជាការបានមានប្រសាសន៏ថា តាមសម្ភារៈទាំងនេះវាពិតជាមិនជាគ្រប់គ្រាន់តាមតម្រូវការមែន តែក៏បានផ្តល់ភាពក្លាហាននិងលើកទឹកចិត្តដល់ក្មួយៗដែលជាកីឡាក្រុម U16 ដែលអង្គភាពទើបរៀបចំបង្កើតឡើងក្នុងនយ័ប្រកួតប្រជែងដើម្បីដណ្តើមពានរង្វាន់ឯកឧត្តមអភិបាលខេត្តកំពង់ស្ពឺ រដូវកាលថ្មីដែលនិងត្រូវចាប់ផ្តើមប្រកួតនាពេលខាងមុខ ។
មេបញ្ជាការបន្តថា ទាំងគ្រូបង្វឹកទាំងកីឡាករត្រូវនាំគ្នាប្រកួតប្រជែង ដោយភាពស្មោះត្រង់ថ្លៃថ្នូរតាមបច្ចេកទេស មិនត្រូវលេងក្នុងល្បិចកលយកជយ័ជំនៈលើដៃគូរប្រកួតដោយមិនសមហេតុផលឡើយ ។ ហើយត្រូវចេះស្រឡាញ់និងយោគយល់គ្នាទាំងលើទីលាន ទាំងលើការងារសង្គម ទាំងក្រៅរង្វង់ប្រកួត ដោយចាត់ទុកកីឡាដើម្បីសុខភាពថែមទាំងបង្ហាញពីការសាមគ្គីគ្នាយកជយ័ជំនៈលើគូរប្រកួតតាមអ្វីដែលប្រឹងហ្វឹកហាត់ ។
មេបញ្ជាការបញ្ជាក់ថា ក្នុងនាមលោកជាអ្នកដឹកនាំកងរាជអាវុធហត្ថខេត្តលោកមានមោទនៈភាពយ៉ាងក្រៃលែងគ្រាដែលកីឡាករ បាល់ទាត់របស់អង្គភាពបានប្រកួតនិងទទួលបានជយ័ជំនៈលេខ ៥ក្នុងចំណោមកីឡា២៩ក្រុម សុទ្ធតែជើងខ្លាំងហើយមានរហូតជាង ៦០០ប្រកួត ដោយឡែកចំពោះកីឡាទូកង របស់អង្គភាពវិញវាកាន់តែមានមោទនៈភាពបន្ថែមយ៉ាងខ្លាំងទៀតនោះគឺ បានទទួលពានរង្វាន់លេខ ១ ក្នុងការប្រណាំងក្នុងព្រៈរាជពិធីបុណ្យអុំទូក ក្នុងខេត្តកំពង់ស្ពឺ ដែលមានទូក៥២គូរ និងជាង១០០ជើងប្រកួត ។ហើយអ្វីដែលកាន់តែប្រសើរទៀតនោះទូកង របស់អង្គភាពបានទៅចូលរួមប្រណាំងទូរទាំងប្រទេស បានទទួលលទ្ធផលលេខ ៣ ដែលទទួលបានការគ្រាំទ្រលើឆាកជាតិយ៉ាងក្រៃលែង ។
សមាជិកក្រុមអ្នកគ្រាំទ្រវិសយ័កីឡានៅក្នុងខេត្តកំពង់ស្ពឺបានផ្តោតការយកចិត្តទុកដាក់មកលើក្រុមកីឡាកររបស់កងរាជអាវុធហត្ថយ៉ាងខ្លាំងដោយមានការលើកទឹកចិត្ត និងបានចូលរួមបរិច្ចាកធនធានជួយដល់វិសយ័កីឡារបស់អង្គភាព ដែលកំពង់បណ្តុះបណ្តាលបន្ថែមនិងមួយផ្នែកទៀតបានមកដោយការស្មគ្រចិត្តរបស់ក្រុមកីឡាដែរ ៕
