រាជធានីភ្នំពេញ ៖ រថយន្តប្រាដូពណ៌ទឹកប្រាក់មួយគ្រឿងបើកបរដោយយុវជនម្នាក់បានបើកបុកគូទរថយន្តវីហ្គោ ពណ៌ខ្មៅ មួយគ្រឿងចំពីក្រោយពេញទំហឹងបណ្ដាលអោយរថយន្តប្រាដូរងការខូចខាតមួយកំណាត់មុខ និងធ្វើអោយរថយន្តវីហ្គោរងការខូចខាតខាតមួយកំណាត់ខាងក្រោយ ធ្លាយចេញឈើប្រណិត៣ដុំ ដែលហេតុការណ៍នេះបង្កការភ្ញាក់ផ្អើល កាលពីវេលាម៉ោង២និង៥០នាទីរំលងអធ្រាត្រ ឈានចូលថ្ងៃ ទី ២១ ឧសភា ២០១៤នៅចំណុចមុខភោជនីដ្ឋាន ពីរ៉ាមីត តាមផ្លូវ១៩៨៦ ស្ថិតនៅក្នុងសង្កាត់ភ្នំពេញថ្មី ខណ្ឌសែនសុខ។
សាក្សីនៅកន្លែងកើតហេតុបានអោយដឹងថា មុនពេលកើតហេតុគេឃើញរថយន្តប្រាដូ ពណ៌ទឹកប្រាក់ ពាក់ស្លាកលេខ2J-1763 បើកដោយយុវជនម្នាក់បានធ្វើដំណើរយ៉ាងលឿនតាមបណ្ដោយផ្លូវ១៩៨៦ ក្នុងទិសដៅពីកើតទៅលិច មកដល់ចំណុចមុខភោជនីដ្ឋានពីរ៉ាមីត ក៏បានទៅបុកពីក្រោយរថយន្តម៉ាក VIGO ពណ៌ខ្មៅពាក់ស្លាកលេខបណ្តោះអាសន្ន 5506 ចំពីក្រោយពេញទំហឹងបណ្តាលរថយន្តប្រាដូរងការខូចខាតមួយកំណាត់ខាងមុខ ចំណែករថយន្ត VIGOរងការខូចខាតមួយកំណាត់ខាងក្រោយហើយធ្លាយចេញឈើប្រណិត៣ដុំធ្លាក់ពេញផ្លូវ តែត្រូវបានម្ចាស់រថយន្តលើកដាក់លើរថយន្តវិញ។
ក្រោយពេលកើតហេតុរថយន្តវីហ្គោបានទាមទារសំណងពីម្ចាស់រថយន្តប្រាដូចំនួន៥ពាន់ដុល្លារ ដើម្បីបញ្ចប់រឿងនៅកន្លែងកើតហេតុ តែម្ចាស់រថយន្តប្រាដូមិនព្រមក៏ធ្វើការទាក់ទងទៅសមត្ថកិច្ចអោយធ្វើការវាស់វែងយករថយន្តទៅរក្សាទុកនៅអធិការដ្ឋាននគរបាលខណ្ឌសែនសុខ តែពេលសមត្ថកិច្ចខណ្ឌសែនសុខចុះទៅដល់ធ្វើអោយម្ចាស់រថយន្តវីហ្គោមានអារម្មណ៍ភ័យតក់ស្លុតព្រោះរថយន្តរបស់ខ្លួនមានដឹកឈើប្រណិត៣ដុំ ទើបធ្វើអោយម្ចាស់រថយន្តវីហ្គោសុំឱ្យម្ចាស់រថយន្តប្រាដូយករថយន្តរបស់គាត់ទៅជួសជុលនៅយានដ្ឋានក្បែរនោះដើម្បីបញ្ចប់រឿង ព្រោះមិនចង់រំខានដល់សមត្ថកិច្ចខណ្ឌសែនសុខ ហើយម្ចាស់រថយន្តប្រាដូក៏យល់ព្រម៕
រិទ្ធគីន ហេតុការណ៏នេះកើតឡើងនៅវេលាម៉ោង២និង៥០នាទីរំលងអធ្រាត្រ ឈានចូលថ្ងៃ ទី ២១ ឧសភា ២០១៤នៅចំណុចមុខភោជនីដ្ឋាន ពីរ៉ាមីត តាមផ្លូវ១៩៨៦ ស្ថិតនៅក្នុងសង្កាត់ភ្នំពេញថ្មី ខណ្ឌសែនសុខ។ នៅក្រោយពេលកើតហេតុម្ចាស់រថយន្តទាំង០២បានចុះមកសម្រួលគ្នាដោយខាងភាគីម្ចាស់រថយន្តម៉ាកប្រាដូធានារ៉ាប់រងយករថយន្តម៉ាកVIGO ទៅជួសជុលនៅការ៉ាសរបស់ខ្លួនដើម្បីបញ្ចប់រឿង។
