សៀមរាប : ឃុំខ្វាវ ស្រុកជីក្រែង ខេត្តសៀមរាប ជាតំបន់មួយដែលធ្លាប់មានព្រៃឈើ ក្រាស់ ប៉ុន្តែបច្ចុប្បន្នត្រូវបានបំផ្លាញ ដោយជនអគតិឃុបឃិតជាមួយមន្ត្រីមានសមត្ថកិច្ច។ ដោយ ឡែកពេលនេះមានការកាប់កូនរការាប់ម៉ឺនដើម យកទៅលក់អោយឈ្មួញក្នុងតម្លៃ ២០០០៛ ក្នុងមួយដើម បើតាមសំដីឈ្មួញម្នាក់និយាយថា ពួកគេទិញដើមរកានេះ យកទៅអោយ ឧកញ៉ាម្នាក់ ធ្វើជារបងឈើរស់ ហុំចំការកៅស៊ូ នៅឯចំការលើ ខេត្តកំពង់ចាម ។
ចំណែកឯដើម សុក្រម និងដើម ផ្ចឹកវិញ ត្រូវបានគេកាប់រាប់សែនដើម យកទៅធ្វើជ្រលងម្រេច នៅក្នុងក្រុមហ៊ុនខេន ដែលស្ថិតនៅភូមិ ១០៣ ឃុំបឹងមាលា ស្រុកស្វាយលើខេត្តសៀមរាប។ ការកាប់បំផ្លាញកូនឈើទាំងបីប្រភេទនេះ អ្នកសារព័ត៌មានបាន សួរទៅលោក ភោ វីរៈ ប្រធានរដ្ឋបាលព្រៃឈើសង្កាត់ខ្វាវ លោក ភោ វីរៈ បានបំភ្លឺថា ឈ្មួញទាំងនេះ មានច្បាប់ហើយ ។ ស្រុកជីក្រែង (ដោយ អ៊ុក ផ្លុង និង ព្រំ សុខា)
