សៀមរាប៖ជាយូណាស់មកហើយដែលមន្ត្រីប៉េអឹមឈ្មោះគុជ.ឈ្មោះណាតនិងឈ្មោះនិត ដែលកើតចេញពីការរកស៊ីឈើប្រណិតៗដោយខុសច្បាប់គ្មានអាជ្ញាធរសមត្ថកិច្ចណាហ៊ានប៉ះពាល់និងហើបមាត់និយាយនោះឡើយរហូតមកដល់ពេលនេះទាំងនេះត្រូវបានគេដាក់ការសង្ស័យថាមន្ត្រីថ្នាក់លើទទួលលាភសក្ការៈពីឈ្មួញទាំង៣រូបនេះជាប្រចាំទើបគ្នានវិធានការទប់ស្កាត់។
ជាទូទៅលោកគុជ.លោកណាតនិងនិត.តែងតែពាក់ស្បែកជាមន្ត្រីកងរាជអាវុធហត្ថស្នាក់ការសន្តិសុខ៦៧២រកស៊ីដឹកជញ្ជូនឈើប្រណិតៗចេញពីតំបន់ស្រែណូយចូលមកក្រុងសៀមរាបដាក់លក់ឲ្យរោងសិប្បកម្មនិងដេប៉េឈើមួយចំនួនដែលចាំទិញ។ មន្ត្រីឃ្លាំមើលបទល្មើសព្រៃឈើបានអះអាងថាឈ្មោះគុជ.ឈ្មោះនិតនិងណាត.នេះដើមឡើយជាពលរដ្ឋនិងជាឈ្មួញឈើប្រចាំតំបន់ស្រែណូយតែប៉ុណ្ណោះយូៗទៅបានចូលធ្វើជាមន្ត្រីប៉េអឹមស្នាក់ការសន្តិសុខ៦៧២ប្រចាំស្រែណូយតែម្ដង។
មន្ត្រីឃ្លាំមើលបទល្មើសព្រៃឈើដដែលបន្ថែមថាបើទោះបីជាឈ្មួញឈើពាក់ស្បែកប៉េអឹមខាងលើគាត់បានរត់ការចូលធ្វើប៉េអឹមស្នាក់ការ៦៧២យ៉ាងណាក្ដីក៍គាត់នៅតែបន្តប្រកបមុខរបរដឹកជញ្ជូនឈើប្រណិតៗដោយគ្មានញញើតច្បាប់បន្តិចសោះឡើយ។
នាយករដ្ឋមន្ត្រីកម្ពុជាសម្ដេចតេជោហ៊ុនសែនធ្លាប់បានថ្លែងប្រមានធ្ងន់ៗចំពោះកងកម្លាំងណាដែលបានរកស៊ីបទល្មើសព្រៃឈើត្រូវបញ្ឈប់ជាបន្ទាន់បើមិនដូច្នេះទេនិងចាត់ការទៅតាមផ្លូវច្បាប់ក្នុងនោះនាយករដ្ឋមន្ត្រីក៍បានបញ្ជាក់ផងដែរថាបើមានមន្ត្រីកងកម្លាំងណារកស៊ីកាប់បំផ្លាញព្រៃឈើនិងដឹកជញ្ជូនឈើនោះមេបញ្ជាការត្រូវតែទទួលខុសត្រូវ។
ក្នុងនោះកន្លងទៅថ្មីៗនេះរដ្ឋមន្ត្រីក្រសួងការពារជាតិបានធ្លាប់បានប្រមានផងដែរចំពោះកងកម្លាំងប្រដាប់ណាដែលមានការពាក់ព័ន្ទទៅនិងសកម្មភាពបទល្មើសព្រៃឈើនិងត្រូវផ្ដន្ទាទោសទៅតាមផ្លូវច្បាប់បើសិនជាមានគំហុសប្រាកដ្ឋនោះ។ ប៉ុន្តែបើទោះបីជាថ្នាក់ដឹកនាំរដ្ឋាភិបាលនិងមន្ត្រីជាន់ខ្ពស់កម្ពុជាបានប្រមានចំពោះមន្ត្រីកងកម្លាំងមិនឲ្យមានជាប់ពាក់ព័ន្ទជាមួយបទល្មើសព្រៃឈើយ៉ាងណាក្ដីក៍រហូតមកដល់ពេលនេះប៉េអឹមទាំង៣នាក់ខាងលើនៅតែផ្គើនបន្តសកម្មភាពដឹកជញ្ជូនឈើប្រណិតៗដោយខុសច្បាប់ជារៀងរាល់ថ្ងៃដោយរថយន្តក្នុងមួយនាក់២គ្រឿងប្រភេទស៊ាំយុង។
សកម្មភាពដឹកជញ្ជូនឈើរបស់មន្ត្រីប្រើស្បែកអាវុធហត្ថទាំង៣រូបនេះមិនត្រូវបានសមត្ថកិច្ចឬជំនាញណាចេញមុខបង្ក្រាបនោះទេដោយខ្លាចអំណាចឈ្មួញក៍ប៉ុន្តែបើទោះបីជាឈ្មួញឈើពាក់ស្បែកប៉េអឹមរកស៊ីឈើប្រណិតរូបនេះដឹកជញ្ជូនយ៉ាងណាក្ដីក៍ឈ្មួញរូបនេះបានចែកផលប្រយោជ៍ដល់សមត្ថកិច្ចពាក់ព័ន្ទបង្ក្រាបដែរទើបបានសុខរហូតមកនេះ។
សមត្ថកិច្ចមួយរូបនិយាយថាមេស្នាក់ប៉េអឹមសន្តិសុខ៦៧២ឈ្មោះដូក៍ជាប់ពាក់យ៉ាងជ្រៅជាមួយសកម្មភាពបទល្មើសព្រៃឈើដែរហើយឈ្មោះដូបច្ចុប្បន្ននេះមានឋានះត្រឹមមេស្នាក់សោះមានឡានសេរីទំនើបៗ៣គ្រឿងដែល១គ្រឿងមានតម្លៃមិនក្រោម២ម៉ឺនដុល្លាអាមេរិកនោះឡើយក្នុងនោះក៍មានមន្ត្រីប៉េអឹមមួយចំនួនដើប្រមូលលុយពីបទល្មើសព្រៃឈើដែរ(ដូចជា
ឈ្មោះ(ចិន)(រិន)(ម៉េត)ជាដើមអ្នកទាំង៣នាក់នេះមានតួនាទីជាមន្ត្រីកងអាវុធហត្ថចំណុះឲ្យអង្គរភាពខេត្តសៀមរាប។ពាក់ព័ន្ទទៅក្នុងករណីនេះរហូតមកដល់ថ្ងៃនេះនៅមិនទាន់ដឹងថាថ្នាក់ដឹកនាំអង្គរភាពអាវុធហត្ថខេត្តមានជាប់ពាក់ព័ន្ទឬយ៉ាងណានោះទេតែមន្ត្រីសមត្ថកិច្ចដដែលបានបង្ហើបថាថ្នាក់ដឹកនាំខេត្តមិនបានជាប់ពាក់ព័ន្ទនោះឡើយ។ 
