កំពង់ធំ៖ គ្រោះថ្នាក់ចរាចរណ៍មួយដ៏រន្ធត់ បានកើតឡើងនៅលើកំណាត់ផ្លូវជាតិលេខ៦ មុខតំណាងរាស្ត្រ នៅមុខផ្សាកំពង់ធំ ស្ថិតក្នុងភូមិទី១សង្កាត់កំពង់ធំ ក្រុងស្ទឹងសែន ដោយសារតែរថយន្តផ្តាច់ព្រលឹង បើកមកផ្តាច់សង្ខាបុរសម្នាក់ ខណៈពេលដែលកំពុងតែជិះកង់ បណ្តាលឲ្យដាច់ខ្លួនជាពីរកំណាត់ បណ្តាលឲ្យស្លាប់ភ្លាមៗនៅនឹងកន្លែង។
ហេតុការណ៍ គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១១.១០នាទីយប់ ថ្ងៃទី២០ ខែ កក្កដា ឆ្នាំ២០១៥នៅចំនុចមុខផ្សាកំពង់ធំ ស្ថិតក្នុងភូមិទី១ សង្កាត់កំពង់ធំ ក្រុងស្ទឹងសែន ដែលបានបង្ករ ឡើងដោយរថយន្តយីឌុប ដឹកធ្ងន់បានបុកបុរសម្នាក់ខណៈពេលកំពុងជិះកង់ហើយកិនចំពាក់កណ្តាលខ្លួនស្លាប់យ៉ាងអាណោចអាធម្ម ។
តាមសាក្សីដែលបានឃើញហេតុការណ៍ បានឲ្យដឹងថា រថយន្តបង្ករឲ្យមានមនុស្សស្លាប់ពាក់ស្លាក លេខ 3A1245 និងមិនចាំខេត្តណា បានបើកបរពីជើងទៅត្បូង លុះមកដល់ចំនុខកើតហេតុ ជនរងគ្រោះបានជិះកង់ឆ្លងថ្នល់មកពីទិញមីនៅមុខផ្សាកំពង់ធំ ដោយសភាពស្រវឹងជោគ ចកិនពេញទំហឹងបណ្តាលឲ្យស្លាប់នៅនឹងកន្លែងកើតហេតុចំណែក រថយន្តបង្ករក៏បន្ថែមល្បឿងបើកគេចខ្លួនបាត់ស្រមោលរីឯសាកសពត្រូវបានប្រគល់ឲ្យសាច់ញ្ញាតិទទួលយកទៅធ្វើបុណ្យតាមប្រពៃណី។
ជនរងគ្រោះត្រូវបានគេស្គាល់ឈ្មោះ មឿង នឿន ភេទប្រុសអាយុ២៥ឆ្នាំ រស់នៅភូមិស្អាង ឃុំកំពង់ថ្ម ស្រុកសន្ទុក ខេត្តកំពង់ធំ មានមុខរបរជាកម្មករដឹកទឹកកក នៅក្នុងរោងចក្រទឹកកកក្នុងក្រុងស្ទឹងសែន មហាជនទូទៅ បានបង្ហើបឲ្យដឹងថា សមត្ថកិច្ចនៃស្នងការ ខេត្តកំពង់ធំ ហាក់បីដូចជា យឺតយ៉ាវ ក្នុងការបំរើផលប្រយោជន៍ ដល់ប្រជាពលរដ្ឋ ទាំងបញ្ហាអគ្គីភ័យ ទាំងបញ្ហាសន្តិសុខ និងការទប់ស្កាត់បទល្មើសកើតឡើង ជាក់ស្តែង យន្តយីឌុបបុកមនុស្សស្លាប់មនុស្សផ្អើលពេញខេត្តក៏សមត្ថកិច្ចដែលប្រចាំការតាមដងផ្លូវ ពុំអាចវែកមុខរករថយន្ត យក្យនេះបានទេ ទាំងកងរាជអាវុធហត្ថ ប៉ុស្តិនគរបាល រហូតដល់អធិការដ្ឋានស្រុកសន្ទុក និងស្រុកបារាយណ៏ ហេតុអីក៏ចាប់រថយន្តយីឌុបដែលបង្ករមិនបានបើសិនជារថយន្តធុនតូច ដឹកគ្រញូងមិនបានបង់ផ្លូវ ទោះជាមានស្លាបហោះក៏ហោះពុំរួចពីទឹកដីខេត្តកំពង់ធំ ។
ដោយ ប៊ុន រដ្ឋា
