កំពង់ស្ពឺ=ព្រឹកថ្ងៃទី២៧ខែមករា ឆ្នាំ២០១៦នៅបញ្ជាការដ្ឋានកងរាជអាវុធហត្ថ ខេត្តកំពង់ស្ពឺបានបើកកិច្ចប្រជុំបូកសរុបលទ្ធផលការងារឆ្នាំ២០១៥និងទិសដៅការងារឆ្នាំ២០១៦ក្រោមអធិបតីភាពឯកឧត្តម អ៊ូ សំអួន អភិបាលនៃគណៈអភិបាលខេត្ត និងជាគណៈបញ្ជាការឯកភាព លោកឧត្តមសេនីយត្រីជូ សារុនមេបញ្ជាការខេត្តកំពង់ស្ពឺ ដែលមានការចូលរួមពី មន្ត្រីរាជការជុំវិញសាលា មេបញ្ជាការក្រុង ស្រុក ស្នាក់ការ ប្រធានមន្ទីរគ្រប់ជំនាញ ដែលមានចំនួន ២១៣ នាក់។ក្នុងកិច្ចប្រជុំនោះគ្រប់កងឯកភាពចំណុះបញ្ជាការដ្ឋានកងរាជអាវុធហត្ថខេត្តកំពង់ស្ពឺម្នាក់ៗ បានឡើងបញ្ចេញមតិរាល់សកម្មភាពការងារទាំងចំណុចខ្លាំង ខ្សោយ និងអ្វីខ្លះដែលមានការជួបការលំបាកកន្លងមក ហើយមូលនានាដែលនៅមានភាពអវិជ្ជមាន មិនអាចបង្ក្រាប សង្គ្រោះទាន់ពេល ហើយការទប់ស្កាត់នៅមានកម្រិត។
លោកឧត្តមសេនីយត្រី ជូ សារុនមេបញ្ជាការខេត្តកំពង់ស្ពឺ បានអានរបាយការណ៏ ទាក់ទងការងារឆ្នាំ២០១៥ ថា សកម្មភាពរបស់អង្គភាព បានចូលរួមយ៉ាងសកម្មគ្រប់ការងារសង្គម ក្នុងនោះបានផ្តោតយ៉ាងសំខាន់លើការងារ ការពារសុវត្តភាព សន្តិសុខតាមមូលដ្ឋាននានា ។
មេបញ្ជាការបន្តថា បើទោះក្នុងបីក្នុងឆ្នាំ២០១៥មានករណីដែលគួរឲ្យបារម្មណ៏មែន តែបញ្ចាការដ្ឋានបាន សហការណ៏ជាមួយស្នងការនគរបាល និងឈានទៅវែកមុខចាប់ជនសង្សយ័បានក្នុងករណី ជំរិតនៅស្រុក ឧដុង្គ និងមួយករណីទៀត ប្លន់ទូរមាសបាញ់សម្លាប់ស្មៀនឃុំនៅផ្សាត្រពាំងក្រឡឹង ត្រូវបានឃាត់ខ្លួនបានទាំងអស់ ។
មេបញ្ជាការបន្ថែមថា បន្ទាប់ពីការងារបង្កា បង្ក្រាប ការពារសុវត្តិភាពជូនពលរដ្ឋ អង្គភាពបានកសាងហេដ្ឋារចនាសម្ពន្ធ័ ក្នុងអង្គភាពសម្រាប់ឆ្នាំ២០១៥ បញ្ជាការដ្ឋានខេត្ត កសាងអាគារថ្មីដែលមានចំនួន ២៨៧២ ម៉ែត្រការេដែលនិងចំណាយអស់ទឹកប្រាក់១៤៣៥៤៤ ដុល្លា និង២៦៥,៧៥៧៥០០រៀល និងជួសជុលអាគារប្រជុំ២៨០ការេ អស់ប្រាក់៣៣៩០ដុល្លានិង១៦២,៨០០០០រៀល ។ ទាំងនេះនៅមិនទាន់បានគិតក្រុង ស្រុក ស្នាក់ការសន្តិសុខ នានាដែលកំពង់មានការអភិវឌ្ឍន៏គួរឲ្យកត់សម្គាល់ដែរ ។
ឯកឧត្តម អ៊ូ សំអួន គណៈបញ្ជាការឯកភាពខេត្តកំពង់ស្ពឹក៏បានលើកឡើងថា កងកំលាំងប្រដាប់អាវុធទាំងអស់មានការសហការគ្នាបានល្អ ជាពិសេសកងរាជអាវុធហត្ថបានបំពេញភារកិច្ចជួយដល់ការងារសង្គមជាច្រើននាពេលកន្លងមក ក្នុងនោះបានបំពេញ ការងារការពារក្នុងពិធីបុណ្យអុំទូកដែលទើបកន្លងទៅថ្មីនេះបានប្រសើរ ។ ឯកឧត្តមអភិបាលខេត្តក្នុងនាមជាគណៈបញ្ជាការឯកភាពខេត្ត ក៏បានក្រើនរំលឹកដល់អង្គភាពឲ្យមានការត្រួតពិនិត្យរាល់សកម្មភាព ក្រុមក្មេង ប្រើប្រាស និងចែកចាយគ្រឿងញៀន ក្នុងមូលដ្ឋានដែលនៅសេសសល់ជាបន្តទៀត ពីព្រោះគ្រឿងញៀនជាប្រភពនៃការកើនឡើងបទល្មើស ។ដោយអភិបាលខេត្តប្រដូចបញ្ហាគ្រឿងញៀនថា ការជាប់ពន្ធ័ធនាគារជាចង្កោម និងជាក្រុម សូម្បីតែមន្ទីរពន្ធ័ធនាគារដែលមានចំណុះ ត្រឹមជាង២០០នាក់ពេលទណ្ឌិតកើនឡើងដល់ទៅជាង ៤០០នាក់ដែលជាចំនួនមួយគួរព្រួយបារម្មណ៏ ។ ឯកឧត្តមអភិបាលខេត្តបានសង្កត់ធ្ងន់ កងកំលាំងត្រូវចូលរួមឲ្យបានបញ្ហាច្បាប់ចរាចរណ៏ ដែលមកទល់ពេលនេះគ្រោះថ្នាក់ចរាចរណ៏បានសម្លាប់មនុស្សជាលក្ខខណៈ ក្រុមដែលមានចំនួនច្រើន ដូចនេះកងកំលាំងជាអ្នកអនុវត្តច្បាប់ត្រូវគោរពឲ្យបាន ដើម្បីឲ្យពលរដ្ឋធ្វើតាម ។
ក្រោយបិទប្រជុំបូកសរុបការងារ ឆ្នាំ២០១៥ ទិសដៅបន្តការងារឆ្នាំ ២០១៦នៅពេលល្ងាច ឯកឧត្តម អ៊ូ សំអួនអភិបាលខេត្តកំពង់ស្ពឺជាប្រធានគណៈបញ្ជាការឯកភាពខេត្ត និងជួបជុំបាយសាមគ្គីជាមន្ត្រីរាជការជុំវិញសាលាខេត្ត កងកំលាំងទាំង៣ និងក្រុមអាជីវករ ផងដែរ ៕
ដោយ ភ្នំស្រួច